يا حبيبي بقلم عبد السميع المصري 🇪🇬

 

يا حبيبي

بقلم عبد السميع المصري  🇪🇬

يا ريت… يا ريت

يا عمر ما جريت

عدّيت سنين ورا سنين

وقلبي لسه مليان حنين

مشتاق لحبٍ كان

ولعمرٍ فات في لحظتين

يا ريت يا قلبي

ما عشقت ولا حبيت

ولا شُفت الحب يوم

ولا سِكته مشيت

يا ريت…

يا ريت يا حبيبي تفتكرني

تفتكر أيام وساعات

عشناها سوا

أحلى الحكايات

ضحكة بتسبق كلامنا

وقلوب مليانة أمان

العصافير تغنّي حوالينا

والورد يفتح علشانّا 

لحد ما سهم الهوى أصابني

وبإيدك أنا انكويت

سابَتني الدنيا وغِبت

وسِبت البلد وهجّيت

كان حبي ليك حكاية

اتروت في ألف رواية

وسنين تعدّي والقلب حزين

من هجر الحبيب والقلب مش بيطيب 

آه آه يا زمان… اه آه يا زمان

من غدر الانسان

ومن حب كان أمان

وبقى وجع وحرمان

ارجع بينا يا زمان