بتنساني وسط الظروف بجاتو ابو شمس مصر

بتنساني وسط الظروف

عايش وسط الظروف مكتوف

وبرد فقري هو توب الخوف

اخير دايما في كل الصفوف

وكل حاجة بطريقتها معنداني

بس عمر الشكوي ماخطت لساني

بحاول اقدر مع احوالي اتكيف

جروح همومي من كل مكان بتنزف

مش راضية الفرحة عليا تتعرف

لحد امتا هفضل عايش اعاني

بتنساني

كل حبايبي وكانهم قاصدين

وصبحت عايش لوحدي حزين

لو يوم افتكروني اتنسي بالسنين

واي حد يشغل دماغهم وياخد مكاني

رفعت ايدي للمولي وبدعي

يارب انت العالم بشكوتي وضعفي

انت الوحيد اللي لو الكل فاتني عمره ماينساني

بسيط عايشها وحيد وعمري ماكنت اناني

واخرك تسمعني دلوقتي وبعد شوية تنساني