د.ياسرالشريف مش فارقه مصر 🇪🇬

 

مش فارقه 

أكون قدوه أكون عِبره

أموت اليوم.أموت بكره.

لكن تعيش الكلمه والفكره. 

وأكون بسيط علي الفِطره. 

وتدوم معايا الصِحه والسُترَه. 

وتتجمل بحبنا الأيام.تكون خَضره.

وأعيش سواح ببركة ربى والقُدره.

فى مجلس عِلم يا خلق أو حَضرَه.

فى حلقة ذِكر وتلاوة تنجينا من الحَسره.

فى عمل الخير نتسابق ونكون كِرام بَرَرَه.

فى حب الله نتنافس وحب رسولنا والعِتره.

الدنيا يا خلق زوال ولينا حساب وفيه آخره.

القبر عتمه قوى وضلمه هيكون نور لناس صابره.

السؤال هيكون مين ربك وهيجاوب عباد شاطره.

الغفلان هيبقى بليد وجوابه يادوب تنهيد وبعُسره.

الكافر بربه عنيد وحسابه هيبقى شديد وف العيون كَسره.

الدنيا هتعدى والأمر ما بيدى والجنه للمؤمن وسعير للكَفَره.

🌹

د.ياسرالشريف