الوعى للجميع مع اللواء سامي دنيا مصر

الوعى للجميع

الرئيس المصري عبد الفتاح السيسي

لا لخونة الأوطان والمشككين

ملفات مفتوحة

على مسئوليتى الشخصية

هااااااام جدااااا

■ترامب: التهجير -غزة -أوكرانيا -روسيا -الصين -إفريقيا -مصر - البريكس - الطاقة - الدولار ..

■منشور طويل جداً يرد على كل تساؤلاتكم بس هات سطلين قهوة وتعالى!!!

■أولاً أنا تابعت السادة المحللين على معظم مواقع التواصل وعاملين جهد جبار مشكورين عليه وتحليلات ممتازة هنا بقى هنشوف تجميعة البازل بتاعة كل التحليلات علشان تشوف صورة واضحة أمامك!!!

■أولاً: كل ما يحدث فى العالم هو حرب إقتصادية وتدمير طرق التجارة "لكتلتين متصارعتين" "كتلة أمريكا والغرب" "إللى عايش على مص دم الدول الإفريقية من ثروات طبيعية و الدول العربية من أموال ونفط" وبين "روسيا والصين" من جهة إللى عايزة تسقط الدولار والغرب بتسهيل التجارة والتعامل بالعملات المحلية و الدخول لإفريقيا بس بالإستثمار والمشاركة وليس بالسرقة!!!

■ودى_حرب_وجود لكلا الفريقين المتصارعين فريق بيشق طرق للتجارة و فريق بيهد تلك الطرق لإفشاله!!!

■طريق_الحرير_الصينى: المكون من الدول الآتية:

▪︎الصين إيران سوريا لبنان فلسطين الأردن مصر ..

■طريق_الحزام_والطريق_البحرى:المكون من الدول الآتية

▪︎الصين باب المندب الصومال إريتريا السودان مصر ..

■طريق_روسيا_الشرق:

▪︎القرم سوريا لبنان فلسطين مصر إلى إفريقيا شمال وجنوب إفريقيا شمال مصر ليبيا المغرب الجزائر تونس بطريق ساحلى وخط سكك حديد!!!

■إفريقيا_جنوب:

▪︎مصر السودان دول حوض النيل حتى كيب تاون جنوب إفريقيا بطريق برى وخط سكك حديد فائق السرعة ونقل نهرى من بحيرة فيكتوريا للإسكندرية!!!

■الفريق_الآخر_لازم_يوقف_ده:

▪︎فلازم يهد سوريا ولبنان وفلسطين والأردن بس الحمد لله ملحقوش!!!

▪︎طريق شمال إفريقيا يبقى لازم أعرقل من ليبيا وأقطعه بإخوان وإرهابيين وقوات دول بتحب السرقة والحرام!!!

▪︎طريق جنوب إفريقيا يبقى لازم أهد السودان بعصابات مرتزقة وطريق الحزام والطريق لازم أهد الصومال وإريتريا وأبعت إثيوبيا تاخد مكان على البحر توقف التجارة وقناة السويس!!!

■معلش_مقدمة_طويلة بس ده علشان تشوف الصورة من فوق واضحة و متتوهش فى التفاصيل على الأرض:

▪︎ يبقى_هنا_مصر العامل المشترك فى جميع الطرق و صنية مفارق طرق الكوكب، كلا الفريقين لا يريدون سقوطها لإن فى حال فوز أى منهما سيستفيد منها وفى نفس الوقت لا يريدون أن تقف على قدميها ثابتة لإن هذا سيخرجها من تحت السيطرة ولا يمكن التكهن بردود أفعالها فلابد أن تظل محاصرة بالصراعات من جميع الجهات وتحاول أن تطفئها هنا وهناك!!!

■مخطط_ترامب أمريكا أولاً وذلك بوقف الصراعات وتقليل سعر البترول والطاقة وخفض معدل الفائدة على الدولار التى إكتوى بها العالم لسنتين وهذه الإجراءات لو نُفِذَت ستنعش إقتصاد العالم وخاصة الدول النامية التى سيقل عليها ضغط الدولار وأسعار الطاقة والمحروقات التى تدفعها بالدولار

▪︎ الخطوة_الثانية رفع الجمارك على الدول العظمى الصين روسيا المانيا فرنسا .. الخ لإنعاش الصناعة الأمريكية

وتصديرها للشرق!!!

■وده هيدفع تلك الدول لنقل صناعتها إلى الدول النامية الأرخص طاقة والأقل أجور و تْصَدَّر منها وتستفيد من إستثناء الدول النامية من هذا القرار فمجئ ترامب بسياسته هذه والتى يبحث فيها عن مصلحة أمريكا فقط، ولكنها ستصب فى مصلحة الدول النامية والأسواق الناشئة ومنهم طبعاً مصر التى يتوقع أن لها نصيب الأسد لموقعها المتوسط ومن البنية التحية القوية من موانئ ومطارات وطرق وسكك حديد ومصادر طاقة رياح وشمس ونووى وهيدروجين أخضر..الخ!

■وترامب منذ نجاحه حتى أمس يتوعد هذا ويهدد هذا ولم يذكر مصر من قريب أو من بعيد فى أى موضوع ليه؟

■لإن موضوعها شائك جداً فهى لم تعد تحت السيطرة وهى رمانة الميزان التى يمكن أن ترجح كفة أحد الفريقين وأيضاً هى بوابة إفريقيا التى يريد وضع قدمه داخلها فمصر عادت لقلب إفريقيا وصنعت فى السنوات ال ٥ الأخيرة صداقات ومصالح و مشروعات تنمية مع أكتر من ٢٠ دولة إفريقية

و علشان كده بتشوف رؤساؤهم هنا كتير ومصر لم تعد منتظرة المعونة والسلاح الأمريكى فنوعت مصادر السلاح والأهم إنها أصبحت تصنع سلاحها بيدها ومش أى سلاح، ده سلاح متطور جداً بالموجات الكهرومغناطيسيه!!!

■ورغم_أن ترامب بيعمل حاجات كتير ضد إرادة الما.سون زى الشذوذ الجنسى ومنع حماية اللوطيين والسحاقيين..الخ .. ■ولكنه فى النهاية ينفذ الخطوط العريضة للمخطط فهناك لوبى لابد من دفع فاتورتهم فبعد بكاء إسرائيل المرير وخسارتها كل شئ، فهى لم تهجر الفلسطنين لسيناء وجلبت قوات مصرية حتى السلك الشائك وإقتصادها إنهار والمسرحية الهزلية من ساعه الطوفان حتى تسليم الأسرى والبنات طالعة من الكوافير والعربيات موديل ٢٠٢٥ وبتوع حماس أفرولات جديدة لانج، ولكن الأهم من ده كله إنهم طلعوا من نتساريم، أكبر قاعدة عسكرية إسرائيلية، وإسرائيل عمالة تهد وتموت فى غزة ومش واخدة بالها إنهم فى أكبر قاعدة عسكريه ليهم، يا حلاوة، هُبْل إحنا بقى وكمان بتوع حماس ماسكين بنادق تافور الإسرائيلية يعنى طالعين من قاعدة إسرائيلية وبسلاح إسرائيلى والبنات طالعة ولا فى ليلة حِنِتْهَا وعربيات موديل السنة وهما محاصرين من سنتين

و ٥٠ الف ماتوا، فمعلش إعذرونى أى حد ليه عذر يخليه لنفسه علشان أنا شايل المرارة ومعنديش حاجة تانية أشيلها!!!

■فى تصريحين طلعوا ورا بعض الأول منع المعونات عن العالم كله عدا مصر وإسرائيل والتانى الكونجرس يناقش إنتهاكات مصر بإتفاقية السلام طبعاً دى العصا والجزرة!!! ■فمصر تنسحب من سيناء إذن فى معونات، مش هتنسحب مفيش معونات، وإستنى لسه حرميلك تعبان هكلم الأردن وأقوله خد عندك شوية فلسطنين و مصر كمان تاخد الباقى وطبعاً لسه مكلمش الرئيس ليه، علشان يديله وقت يفكر لإن الأردن كدا كدا واخدة فلسطينيين من زمان، ولكن أنت العين عليك، ولازم سيناء، وأنت دبحتلى القطة قبل التنصيب وقولت فى المؤتمر بكل وضوح رسالة للجميع لن نوافق بأى حال من الأحوال، وكدا هلعب بورقة الكونجرس وأديك عقوبات!!!

■فهنا المواجهة صعبة لإن ده أول طلب من أبو حنان، وعارف إجابته مسبقاً، ومش عايز حد يكسر كلمته، وهو لسه فى نشوة النجاح، وفارد قلوعه على العالم، و قايم بدور سبع السباع!!! ■علشان كده فى تحاشى للمواجهة ورسائل هنا وهناك لإن برضو ليه مصالح إستراتيجية فى الشرق الأوسط وإفريقيا!!! ■يعنى هنا معانا برضو كروت ضغط، إحنا مش لقمة طرية وجنب الحيط مداريه، أنت مشوفتش إصطفاف الشرطة يوم العيد، دا لوحده أكبر من قوة جيش الإحتلال وأكبر من جيوش كتير فى الشرق الأوسط أما القوات المسلحة شوف تقدر تعد لغايه كام!!!

■بصراحة الجيم إللى جاى صعب، وعايز تركيز عالى لإن فيه مكاسب كتير وفيه كمان إفخاخ وللأسف أنت مش عارف مين عليك ومين معاك!!!

■الموقف مش سهل وعلى الفريقين "أمريكا والغرب" "والصين وروسيا" يقعدوا ويشوفوا هيحلوها إزاى، وأنا مش هبقى جزء من الصفقة، أنا رمانة الميزان إللى هتعملوا ليه فى إتفاقكم الف حساب، وأنا عارف طريقى وهمشيه مش محتاج عكاز وأنتم إللى جايين مش أنا إللى واقف عندكم على الباب، ونَفَسِى طويل قوى ما تخدلك نفس يا مان يلا سلام .

إحمدوا ربنا ….. وإذكروا الله كثيرا لعلكم تفلحون.